|
| 圖書館真係一個奇妙既地方 即使本身唔鍾意閱讀, 總可以係一個角落搵到有關自己興趣既書 為左消磨時間, 今日終於自己一個走左去圖書館 細個既時候從來都唔會去：點解硬係無遊戲攻略區？ 初中時去學校圖書館借書, 都係為左係留堂班搵d野做 果時細個係學校借書, 通常都問人有咩書好睇 講得大聲d就會比"職員"罵XD 之後囉一張整到殘哂既白色圖書證比"職員" 有時會同佢地講返兩句, 講下衛斯理其他d作品有咩特別咁 今日去借書, 笨笨咁行左幾個字, 始終搵唔到有咩書岩睇 好彩都仲識咁電腦查下書 發現有想睇既書, 又唔識去搵 結果硬住頭皮問d職員, 好彩佢都睇得出我好少用 已經主動行過黎望住我 真係好感激佢帶我去搵果幾本書 仲諗住會有人幫手啦, 點知最後借書都係要靠自己 [ 麻煩你到果邊d電腦外借啦 ] 我跟住指示, 重覆左好多次先借到書 途中仲因為唔知密碼而借唔到添 走去問櫃台職員, 小姐打量左我幾眼：而家都咩年代了？ 感覺上而家d公共圖書館比以前方便得多了 靜靜咁走入去, 搵自己鍾意既書, 然後自己借閱, 靜靜地離開 人與人之間既距離又再疏遠一步 | | |
| 我高清左喇^3^!!! 今日起身照舊同老豆食(早)餐 食食下老豆忽然話：細佬同我出去買機頂盒~! 佢話行左好多間, 睇岩左一隻型號幾好喎 我心諗會唔會比D老闆點佢買廢野呢 落雨又無帶傘(食茶餐廳邊個會帶傘呢?) 結果落到元朗成個頭扁哂 去到佢講果間街鋪, 原來老豆睇中左8仔 問佢幾錢啦, 頂佢開價$1250 我話鴨記賣緊千一咋喎, 係咁而平d啦 個呀婆叫我出去買喎 我心諗, 唔係今日無機砌又落大雨, 老豆又興起想買 我真係XX你再自己出去買呀 老豆去禁錢果錢乘機X佢幾句 之後先話送條幾十蚊既HDMI線比我 頂你我部電視成十四年仲行緊紅白黃,你比條HDMI我姐係玩野姐  最後$1200+HDMI線囉左佢返屋企 真係火都黎=..= 返到屋企就由頭拉過哂D線啦 DVD, 機頂盒, NOWTV, 擴音機, 喇叭, d線亂到呀 好彩最後隻8仔表現理想 真係幾爽的說  以後唔去佢度買野\ _ / !!!!! | | |
| 夜晚又睇返套"上海灘賭聖" 每次睇完都好感觸 明明大家都鍾意對方, 點解最後一定要分開...? 每次都覺得鞏俐好靚, 首歌真係好聽 ... 始終笑緊既女仔係最靚既 =] 若在當初已相遇 我早將心意牽
直到這一天 仍吹不熄愛焰
若在當初已相遇 那管它多變遷
就算會分開 仍每夜在懷念 搵返支8年前既結他, 變返個初學者, 由頭再學過 ! | | |
| 12/5 9點半鐘起身後等凱哥電話 始終都係唔夠訓, 隻眼開唔到咁制 好彩佢既答案係等閒姐, 即刻醒哂!!! 沖個涼之後, 囉埋隻mon去天瑞等娥姐就出葵芳了 娥姐仲要遲到!! 去到葵芳就等埋呀慧, 同呀凱去美心飲茶 飲到點幾兩點鐘娥姐就返學校教小朋友音樂, 得唔得嫁? 之後同呀慧上凱哥屋企睇佢check隻mon 原來自己一個人住真係幾好, 我要努力讀書 !! 見佢用電錶篤下篤下, 最後得出既結論係......無得整 好可惜呀......等我仲留左隻mon咁耐!! 用唔返, 唯有去深水(土步)睇mon啦 行左成晚, 發覺都係無錢買!!!! 好彩呀慧記得有人有舊mon姐, 應該用得下既 夜晚返去試下重裝隻HDD, 好彩都用得返 不過DVD機出碟唔太順, 要人手拉出黎 都係果句......頂住先 之後拆隻火牛出黎boot我部機, 發覺又得喎 又少左個問題 天光頂唔盡就訓教了 13/5 他媽的......終於大致上搞掂部電腦了！ 整左幾晚, 而家總算著到機 始終CPU實在太舊, 要買返塊支援到既底板都好難 好彩比我搵到塊技嘉G41姐^口^!!! 買果時個sales老友都話：唔樂觀 之後落新高登搵d插針線, 仆街幾條銅線收我幾十蚊 !!! 買多套K&M就坐車返屋企了 返屋企途中勁驚, 好想即刻試下得唔得 終於開到機喇 !!! 重裝windows後開始用(辣雞)辣返d 開機制同d屎忽銅線 仆街辣成個鐘, 仲要比老豆話我：辣條線都唔識 再用電線膠布一條一條包返住, 汗都滴埋, 點解今日咁熱嫁?! 開機制同埋power燈終於用得返, 大成功!!! 不過之後先發覺原來條RAM都壞q埋 又要再買過/ _ \......呢星期我已經唔想再落黃金喇 或者聽日求其搵間野買, 貴少少都算, 各位原諒我 ...... 成晚未食野, 而家應該去搵野食先 沖埋個涼, 天光前應該訓得著 | | |
| 終於考哂試啦XD!!!!!!!! 終於有時間打Xanga ,但係好似唔記得左點打咁 23號考埋科物理,夜晚成班fd去唱k =]!!! 最衰腳仔唔去啦,無人陪我唱正歌/ _ \ 唱唱下好似有d喉嚨痛添...... 夜晚7點可以唱到5點 ,不過我累到hihi12點幾就走人 第二朝開始要砌機 24/4 朝早同老豆食完早餐就出黃金 等巴士時見到老豆笑人地上唔到車, 笑死我 今次幫呀輝砌部打機電腦 config係：intel E5200五電容!! msi p45 neo3-FR galaxy gts250 1GB 買果時見到生產地係馬來西亞 即刻眼前發亮 但係見把風扇唔係DELTA 問下個店員又話好耐無見有貨 咁就算啦......點知返到佢屋企一開... 
我開心到大叫呀XDD 好彩買左隻紅海,默電一下超上3.3Ghz 可惜砌完太夜啦,如果唔係試下上4Ghz, 真係痴痴地!! 最衰隻舊HDD同DVDRW用IDE啦! 破壞哂成部機既美觀程度/ _ \ 返到屋企即刻訓教, 個人仲未夠訓 25/4 9點鐘去到天晴邨排隊見工, 點知落黃雨, 仲要爛埋傘 好黑仔 排到1點鐘先囉到飛仔, D工作人員仲要搞錯次序 搞到遲左半個鐘先有得入!! 兩點半入去面試啦, 計數果part計數機出錯無左個data !!! 好彩最後都成功取錄, 但係無嘜fd過到面試, 好似得返自己一個咁/ _ \ 搞到有d唔想返...... 落完雨既天晴邨好多蜜蜂^^ 
夜晚同數神&腳仔去Turbo剪頭髮, 剪完好開心^口^!!!個樣終於都正常少少喇 我要留長D頭髮!!! 行下街幫魚缸買返支Nitrobacter就歸家了 屋企人去哂旅行, 成班美女又去左睇演唱會, 夜晚屋企特別清靜 好耐無試過休息喇...... 唔開電視, 坐係sofa開幾支Jollyshandy 咁樣又一晚 我要享受人 生=] | | |
|
